سیدنا عبد اللہ بن سعد بن ابی سرح رضی اللہ عنہ سے روایت ہے کہ ایک مرتبہ رسول اللہ صلی اللہ علیہ وسلم اور آپ کے دس صحابہ، جن میں سیدنا ابوبکر، سیدنا عمر، سیدنا عثمان، سیدنا علی اور سیدنا زبیر رضی اللہ عنہم اور ان کے علاوہ دیگر شامل تھے، جبلِ حراء پر موجود تھے کہ اچانک وہ انہیں لے کر حرکت کرنے لگا، تو نبی کریم صلی اللہ علیہ وسلم نے فرمایا: «اسْكُنْ حِرَاءُ» ”اے حراء! تھم جا، کیونکہ تجھ پر ایک نبی، یا ایک صدیق، یا ایک شہید کے سوا کوئی نہیں۔“
یہ حدیث سیدنا عبد اللہ بن سعد رضی اللہ عنہ سے صرف اسی سند کے ساتھ مروی ہے، اور ابن لہیعہ رحمہ اللہ اسے بیان کرنے میں منفرد ہیں۔ [المعجم الأوسط/باب الألف/حدیث: 372]