امام عبادہ بن نسی رحمہ اللہ بیان کرتے ہیں کہ ہمارے امیر اسحاق بن قبیصہ رحمہ اللہ نے ہمیں بتایا کہ سیدنا عمر بن خطاب رضی اللہ عنہ نے یہ آیت تلاوت فرمائی: ﴿الْيَوْمَ أَكْمَلْتُ لَكُمْ دِينَكُمْ﴾ اس وقت ان کے پاس کعب (احبار) رحمہ اللہ بھی تھے۔ کعب رحمہ اللہ نے کہا: ”میں ایک ایسی قوم کو جانتا ہوں کہ اگر ان پر یہ آیت کسی دن نازل ہوتی تو وہ اس دن کو عید بنا لیتے۔“ تو سیدنا عمر رضی اللہ عنہ نے فرمایا: ”یہ آیت عرفہ کی شام کو نازل ہوئی تھی، اور وہ جمعہ کا دن تھا۔“
امام طبرانی رحمہ اللہ فرماتے ہیں: ”اس حدیث کو رجاء بن ابی سلمہ سے ضمرہ کے سوا کسی نے روایت نہیں کیا۔“ [المعجم الأوسط/باب العين/حدیث: 3900]