سیدنا عمران بن حصین خزاعی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”تم میں سے جو شخص کسی بات پر قسم کھا لے، پھر اس کے سوا کسی دوسری بات میں اس سے بہتری دیکھے تو وہ اسی کام کو کرے جو بہتر ہے اور اپنی قسم کا کفارہ ادا کر دے۔“
امام طبرانی رحمہ اللہ فرماتے ہیں: ”یہ حدیث سیدنا عمران بن حصین رضی اللہ عنہ سے صرف اسی سند سے مروی ہے، اس میں سعید بن زربی منفرد ہیں۔“ [المعجم الأوسط/باب العين/حدیث: 3956]