سیدنا ابو قتادہ انصاری رضی اللہ عنہ نے نبی کریم صلی اللہ علیہ وسلم سے روایت کیا کہ آپ صلی اللہ علیہ وسلم سے اس شخص کے بارے میں پوچھا گیا جس کے ساتھ نفلی ہدی (قربانی کا جانور) ہو اور وہ اپنے مقام (حرم) تک پہنچنے سے پہلے ہی ہلاکت کے قریب پہنچ جائے؟ تو آپ صلی اللہ علیہ وسلم نے فرمایا: ”وہ اسے ذبح کر دے، پھر اس کے جوتے (قلادہ) کو اس کے خون سے رنگ دے، پھر اسے اس کے پہلو پر لگا دے۔ پھر اگر اس نے اس میں سے کھا لیا تو اس پر اس کی قضا لازم ہو گی۔“
امام طبرانی رحمہ اللہ فرماتے ہیں: ”یہ حدیث ابو قتادہ رضی اللہ عنہ سے اسی سند کے ساتھ ہی مروی ہے، اس میں محمد بن خالد واسطی منفرد ہیں۔“ [المعجم الأوسط/باب العين/حدیث: 4063]