سیدنا جابر بن عبداللہ رضی اللہ عنہما سے روایت ہے کہ انہوں نے فرمایا: ”سیدنا عقیل بن ابی طالب رضی اللہ عنہ نے جنگِ موتہ کے دن ایک شخص سے مقابلہ (مبارزت) کیا اور اسے قتل کر دیا، تو رسول اللہ صلی اللہ علیہ وسلم نے اس (مقتول) کی انگوٹھی اور اس کا ساز و سامان (سلب) بطورِ انعام انہیں عطا فرما دیا۔“
ابن عقیل رحمہ اللہ سے اس حدیث کو صرف شریک رحمہ اللہ نے روایت کیا ہے، اور اسے روایت کرنے میں اسماعیل بن عبداللہ بن زرارہ رحمہ اللہ منفرد ہیں۔ [المعجم الأوسط/باب الألف/حدیث: 420]