سیدنا انس بن مالک رضی اللہ عنہ سے روایت ہے کہ ایک آدمی نبی کریم صلی اللہ علیہ وسلم کے ساتھ اپنے اونٹ پر سوار تھا کہ اس نے اس اونٹ پر لعنت کی، تو نبی کریم صلی اللہ علیہ وسلم نے فرمایا: ”ہمارے ساتھ ایسے اونٹ پر مت چلو جس پر لعنت کی گئی ہو۔“
امام طبرانی رحمہ اللہ فرماتے ہیں: ”اس حدیث کو شریک بن ابی نمر رحمہ اللہ سے ابو اویس کے سوا کسی نے روایت نہیں کیا، اس میں اسماعیل منفرد ہیں۔“ [المعجم الأوسط/باب العين/حدیث: 4224]