ام المومنین سیدہ عائشہ رضی اللہ عنہا سے روایت ہے، وہ فرماتی ہیں: میں نے نبی کریم صلی اللہ علیہ وسلم کو فرماتے سنا: ”جو شخص مسلمانوں کے معاملات میں سے کسی چیز کا ذمہ دار بنایا جائے اور اللہ اس کے ساتھ بھلائی کا ارادہ فرمائے تو اسے ایک نیک وزیر عطا فرما دیتا ہے، اگر وہ بھول جائے تو وہ اسے یاد دلاتا ہے اور اگر اسے یاد ہو تو وہ اس کی مدد کرتا ہے۔“
امام طبرانی رحمہ اللہ فرماتے ہیں: ”اس حدیث کو یحییٰ بن سعید سے ابو سعید مؤدب (فرج بن فضالہ) کے سوا کسی نے روایت نہیں کیا، اور ابو سعید سے روایت کرنے میں منصور بن ابی مزاحم منفرد ہیں۔“ [المعجم الأوسط/باب العين/حدیث: 4240]