سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم ایک دن کچھ قبروں کے پاس سے گزرے اور آپ صلی اللہ علیہ وسلم کے پاس کھجور کی ایک تر شاخ تھی، آپ صلی اللہ علیہ وسلم نے اس کے دو ٹکڑے کیے اور ایک حصہ ایک قبر پر اور دوسرا دوسری قبر پر رکھ دیا، پھر آپ صلی اللہ علیہ وسلم آگے تشریف لے گئے۔ ہم نے عرض کیا: ”اے اللہ کے رسول! آپ نے ایسا کیوں کیا؟“ تو آپ صلی اللہ علیہ وسلم نے فرمایا: ”ان میں سے ایک کو چغل خوری کی وجہ سے عذاب دیا جا رہا تھا، اور رہا دوسرا، تو وہ پیشاب سے احتیاط نہیں کرتا تھا، اور جب تک یہ شاخیں تر رہیں گی ان دونوں کو عذاب نہیں دیا جائے گا۔“
یہ حدیث سیدنا ابن عمر رضی اللہ عنہما سے صرف اسی سند کے ساتھ مروی ہے۔ [المعجم الأوسط/باب العين/حدیث: 4394]