سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”مؤمنین میں ایمان کے لحاظ سے کامل ترین وہ لوگ ہیں جو اخلاق میں سب سے بہتر ہیں، جو نہایت ملنسار اور منکسر المزاج ہیں، جو دوسروں سے الفت و محبت رکھتے ہیں اور جن سے الفت و محبت کی جاتی ہے، اور وہ شخص ہم میں سے نہیں ہے جو نہ کسی سے الفت رکھے اور نہ اس سے الفت رکھی جائے۔“
امام طبرانی رحمہ اللہ فرماتے ہیں: ”اس حدیث کو محمد بن عیینہ سے صرف یعقوب بن ابی عباد نے روایت کیا ہے۔“ [المعجم الأوسط/باب العين/حدیث: 4422]