سیدنا ابی بن کعب رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اے ابو منذر! مجھے حکم دیا گیا ہے کہ میں تمہارے سامنے قرآن پیش کروں۔“ انہوں نے عرض کیا: ”میں اللہ پر ایمان لایا، آپ کے دستِ مبارک پر اسلام قبول کیا اور آپ ہی سے (قرآن) سیکھا۔“ راوی کہتے ہیں کہ نبی صلی اللہ علیہ وسلم نے اپنی بات دوبارہ دہرائی، تو انہوں نے دریافت کیا: ”اے اللہ کے رسول! کیا وہاں میرا تذکرہ ہوا ہے؟“ آپ صلی اللہ علیہ وسلم نے فرمایا: ”ہاں، «ملأِ اعلیٰ» میں تمہارے نام اور تمہارے نسب کے ساتھ تمہارا ذکر ہوا ہے۔“ انہوں نے عرض کیا: ”اے اللہ کے رسول! تو پھر اب آپ تلاوت فرمائیے۔“ [المعجم الأوسط/باب الألف/حدیث: 444]