سیدنا ابی بن کعب رضی اللہ عنہ سے روایت ہے کہ انہوں نے عرض کیا: ”اے اللہ کے رسول صلی اللہ علیہ وسلم ! بخار کا کیا اجر ہے؟“ آپ صلی اللہ علیہ وسلم نے فرمایا: ”جب تک (بوجہ نقاہت) اس کا پاؤں لڑکھڑاتا رہے یا کوئی رگ تڑپتی رہے، صاحبِ بخار کے لیے نیکیاں جاری رہتی ہیں۔“ تب انہوں نے عرض کیا: «اللَّهُمَّ إِنِّي أَسْأَلُكَ حُمَّى لَا تَمْنَعُنِي خُرُوجًا فِي سَبِيلِكَ، وَلَا خُرُوجًا إِلَى بَيْتِكَ، وَلَا مَسْجِدِ نَبِيِّكَ» ”اے اللہ! میں تجھ سے ایسے بخار کا سوال کرتا ہوں جو مجھے تیرے راستے میں نکلنے سے، تیرے گھر (کعبہ) کی طرف جانے سے اور تیرے نبی کی مسجد کی طرف جانے سے نہ روکے۔“ چنانچہ اس کے بعد سیدنا ابی رضی اللہ عنہ کو جب بھی چھوا جاتا تو انہیں بخار ہی ہوتا تھا۔
ان دونوں حدیثوں کو معاذ بن محمد بن ابی رحمہ اللہ سے صرف محمد بن عیسیٰ الطباع رحمہ اللہ ہی نے روایت کیا ہے۔ [المعجم الأوسط/باب الألف/حدیث: 445]