سیدنا شداد بن اوس رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”ایسا کوئی بندہ نہیں جو صبح اور شام کے وقت یہ کہے: «اللَّهُمَّ أَنْتَ رَبِّي، لَا إِلَهَ إِلَّا أَنْتَ، خَلَقْتَنِي وَأَنَا عَبْدُكَ وَعَلَى عَهْدِكَ مَا اسْتَطَعْتُ أَبُوءُ بِنِعْمَتِكَ عَلَيَّ، وَأَبُوءُ بِذُنُوبِي فَاغْفِرْ لِي ذُنُوبِي، إِنَّهُ لَا يَغْفِرُهَا غَيْرُكَ» ”اے اللہ! تو ہی میرا رب ہے، تیرے سوا کوئی برحق معبود نہیں، تو نے ہی مجھے پیدا کیا اور میں تیرا ہی بندہ ہوں اور اپنی استطاعت کے مطابق تیرے عہد و پیمان پر قائم ہوں۔ میں اپنے اوپر تیری نعمت کا اعتراف کرتا ہوں اور اپنے گناہوں کا اقرار کرتا ہوں، پس تو میرے گناہ بخش دے، کیونکہ تیرے سوا انہیں کوئی نہیں بخشتا“، تو اگر وہ اس دن فوت ہو جائے تو جنت میں داخل ہوگا، اور اگر اس رات فوت ہو جائے تو جنت میں داخل ہوگا۔“
اس حدیث کو اسحاق بن سوید رحمہ اللہ سے صرف جاریہ بن ہرم رحمہ اللہ نے روایت کیا ہے۔ [المعجم الأوسط/باب العين/حدیث: 4560]