سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جب کوئی مسلمان شخص اپنے بھائی سے کہے: ”اے کافر“، تو ان دونوں میں سے ایک کفر (کے وبال) کے ساتھ لوٹا۔“
امام طبرانی رحمہ اللہ فرماتے ہیں: ”اس حدیث کو یحییٰ بن ابی کثیر رحمہ اللہ سے صرف عکرمہ بن عمار رحمہ اللہ نے روایت کیا ہے، اس میں نضر بن محمد رحمہ اللہ منفرد ہیں، اور عبداللہ بن یزید رحمہ اللہ دراصل اسود بن سفیان رحمہ اللہ کے مولیٰ ہیں۔“ [المعجم الأوسط/باب العين/حدیث: 4570]