سیدنا عبداللہ بن مسعود رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”جو شخص اپنے کھانے کے شروع میں اللہ کا نام لینا بھول جائے، تو جب اسے یاد آئے تو وہ کہے: «بِسْمِ اللهِ فِي أَوَّلِهِ وَآخِرِهِ» ”اللہ کے نام کے ساتھ اس کے اول اور آخر میں“؛ کیونکہ وہ (اس طرح) ازسرنو کھانا کھانے والا قرار پاتا ہے اور وہ اس خبیث (شیطان) کو اس حصے سے محروم کر دیتا ہے جو وہ اس میں سے حاصل کر رہا تھا۔“
امام طبرانی رحمہ اللہ فرماتے ہیں: ”موسیٰ جہنی رحمہ اللہ سے اس حدیث کو مرفوعاً بیان کرنے میں صرف عمر بن علی رحمہ اللہ منفرد ہیں، اور ان سے اسے روایت کرنے میں شباب عصفری رحمہ اللہ تنہا ہیں۔“ [المعجم الأوسط/باب العين/حدیث: 4576]