سیدنا جابر رضی اللہ عنہما سے روایت ہے کہ مسجد (نبوی) کے گرد و نواح میں کچھ زمینیں خالی ہوئیں تو بنو سلمہ نے مسجد کے قریب منتقل ہونے کا ارادہ کیا، جب یہ بات نبی صلی اللہ علیہ وسلم تک پہنچی تو آپ صلی اللہ علیہ وسلم نے فرمایا: ”اے بنو سلمہ! اپنے گھروں ہی کو لازم پکڑو، تمہارے قدموں کے نشانات لکھے جاتے ہیں“، آپ صلی اللہ علیہ وسلم نے یہ بات تین مرتبہ فرمائی۔
اس حدیث کو داؤد رحمہ اللہ سے صرف عبد الوارث رحمہ اللہ نے روایت کیا ہے اور عمران بن موسیٰ رحمہ اللہ اس کی روایت میں منفرد ہیں۔ [المعجم الأوسط/باب العين/حدیث: 4596]