سیدنا عامر بن ربیعہ رضی اللہ عنہ سے روایت ہے کہ انہوں نے فرمایا: ”میں ایک نہایت کالی اور تاریک رات میں رسول اللہ صلی اللہ علیہ وسلم کے ساتھ (سفر میں) تھا، ہم نے ایک جگہ پڑاؤ کیا تو ہر آدمی پتھروں کو جمع کر کے انہیں جائے نماز بنانے لگا اور اسی کی سمت رخ کر کے نماز پڑھنے لگا۔ جب ہم نے صبح کی تو اچانک معلوم ہوا کہ ہم نے قبلہ کے سوا کسی اور سمت میں رخ کر کے نماز پڑھی ہے، چنانچہ ہم نے عرض کی: ”اے اللہ کے رسول! ہم نے اپنی آج کی رات قبلہ کے غیر میں نماز پڑھی ہے“، اس پر اللہ تعالیٰ نے یہ آیت نازل فرمائی: ﴿وَلِلَّهِ الْمَشْرِقُ وَالْمَغْرِبُ فَأَيْنَمَا تُوَلُّوا فَثَمَّ وَجْهُ اللَّهِ﴾ ﴿اور مشرق و مغرب اللہ ہی کے لیے ہیں، پس تم جس طرف بھی رخ پھیرو گے وہیں اللہ کا رخ (توجہ) ہے﴾ ۔“
امام طبرانی رحمہ اللہ فرماتے ہیں: ”عاصم بن عبید اللہ سے اس حدیث کو صرف ابو الربیع السمان نے روایت کیا ہے۔“ [المعجم الأوسط/باب الألف/حدیث: 460]