سیدنا ابوموسیٰ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”سب سے پہلے جن کے لیے «نورہ» (بال صفا پاؤڈر) تیار کیا گیا اور جو حمام میں داخل ہوئے، وہ سیدنا سلیمان بن داود علیہ السلام تھے، پھر جب وہ اس میں داخل ہوئے اور اس کی تپش و گھٹن محسوس کی تو فرمایا: «أَوَّهْ مِنْ عَذَابِ اللهِ، أَوَّهْ، أَوَّهْ، قَبْلَ أَنْ لَا يَنْفَعَ أَوَّهْ» ”اللہ کے عذاب سے (بچنے کے لیے) ہائے افسوس! ہائے افسوس، ہائے افسوس، اس سے پہلے کہ ہائے افسوس کہنا نفع نہ دے۔““
یہ حدیث سیدنا ابوموسیٰ رضی اللہ عنہ سے صرف اسی سند کے ساتھ مروی ہے، اور ابراہیم بن مہدی رحمہ اللہ اسے بیان کرنے میں منفرد ہیں۔ [المعجم الأوسط/باب الألف/حدیث: 461]