سیدنا عبد اللہ بن زبیر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جس شخص کو بھی کوئی چیز بطورِ «عُمْرٰی» دی جائے، تو وہ اس کے لیے اور اس کے بعد اس کی اولاد کے لیے ہے، اس کی نسل میں سے جو اس کا وارث بنے گا وہی اس کا وارث ہوگا، اور جس نے «رُقْبٰی» کے طور پر کوئی چیز دی تو وہ بھی «عُمْرٰی» ہی کے حکم میں ہے۔“
حفص بن میسرہ رحمہ اللہ نے اسے اسی طرح سیدنا ابن زبیر رضی اللہ عنہما سے روایت کیا ہے۔ [المعجم الأوسط/باب الألف/حدیث: 474]