سیدنا ابو موسیٰ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس نے چاشت کی چار رکعتیں پڑھیں اور پہلی نماز (یعنی ظہر) سے پہلے چار رکعتیں ادا کیں، تو ان کے عوض اس کے لیے جنت میں ایک گھر بنا دیا جائے گا۔“
امام طبرانی رحمہ اللہ فرماتے ہیں: ”اس حدیث کو ابو بردہ رحمہ اللہ سے صرف عبداللہ بن عیاش رحمہ اللہ نے روایت کیا ہے، اور عبداللہ بن عیاش رحمہ اللہ سے صرف ابراہیم بن محمد الہمدانی رحمہ اللہ نے، جبکہ اس کے ساتھ سہل بن عثمان رحمہ اللہ منفرد ہیں۔“ [المعجم الأوسط/باب العين/حدیث: 4753]