سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے تین مرتبہ فرمایا: ”سبحان اللہ! تمہارے سامنے کیا آ گیا ہے اور تم کس چیز کا سامنا کرنے والے ہو؟“ تو سیدنا عمر بن خطاب رضی اللہ عنہ نے عرض کیا: ”کیا کوئی وحی نازل ہوئی ہے؟ یا کوئی (عذاب کا) وعدہ آ پہنچا ہے؟“ آپ صلی اللہ علیہ وسلم نے فرمایا: ”بے شک اللہ تعالیٰ رمضان المبارک کی پہلی رات ہی اس قبلے کے تمام ماننے والوں کی مغفرت فرما دیتا ہے۔“ راوی کہتے ہیں کہ آپ صلی اللہ علیہ وسلم کے سامنے بیٹھے ایک شخص نے سر ہلاتے ہوئے کہا: ”واہ واہ!“ تو رسول اللہ صلی اللہ علیہ وسلم نے فرمایا: ”ایسا لگتا ہے کہ تمہارا سینہ تنگ ہو گیا ہے؟“ اس نے عرض کیا: ”نہیں، بلکہ مجھے منافق یاد آ گیا تھا۔“ تو رسول اللہ صلی اللہ علیہ وسلم نے فرمایا: ”منافق کافر ہے، اور کافر کے لیے اس (مغفرت) میں کوئی حصہ نہیں۔“
امام طبرانی رحمہ اللہ فرماتے ہیں: ”یہ حدیث سیدنا انس بن مالک رضی اللہ عنہ سے صرف اسی سند سے مروی ہے، اس کی روایت میں عمرو بن حمزہ منفرد ہیں۔“ [المعجم الأوسط/باب الفاء/حدیث: 4935]