سیدنا جابر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جو شخص مجھے اس چیز کی ضمانت دے جو اس کے دونوں جبڑوں کے درمیان ہے (زبان) اور جو اس کی دونوں ٹانگوں کے درمیان ہے (شرمگاہ)، میں اس کے لیے جنت کی ضمانت دیتا ہوں۔“
امام طبرانی رحمہ اللہ فرماتے ہیں: ”اس حدیث کو عمرو بن دینار رحمہ اللہ سے معقل بن عبید اللہ کے سوا کسی نے روایت نہیں کیا، اور معقل سے مغیرہ بن سقلاب کے سوا کسی نے روایت نہیں کیا، اس میں ولید بن شجاع منفرد ہیں۔“ [المعجم الأوسط/باب القاف/حدیث: 4981]