سیدہ یسیرہ رضی اللہ عنہا سے، جو مہاجر خواتین میں سے تھیں، روایت ہے کہ رسول اللہ صلی اللہ علیہ وسلم نے فرمایا: ”اے مومنوں کی عورتو! تم تہلیل (لا الہ الا اللہ)، تسبیح (سبحان اللہ) اور تقدیس (سبحان الملک القدوس) کو لازم پکڑو، اور انہیں انگلیوں کے پوروں پر گنا کرو، کیونکہ (قیامت کے دن) ان انگلیوں سے سوال کیا جائے گا اور انہیں گویائی دی جائے گی، اور تم غفلت نہ برتنا کہ (اللہ کی) رحمت کو بھلا بیٹھو۔“
امام طبرانی رحمہ اللہ فرماتے ہیں: ”یہ حدیث سیدہ یسیرہ رضی اللہ عنہا سے صرف اسی سند سے مروی ہے، اس میں محمد بن بشر منفرد ہیں۔“ [المعجم الأوسط/باب الميم/حدیث: 5016]