سیدنا عبداللہ بن مسعود رضی اللہ عنہ سے روایت ہے کہ رسول اللہ صلی اللہ علیہ وسلم نے نماز پڑھتے ہوئے اپنے جوتے اتار دیے، تو آپ صلی اللہ علیہ وسلم کے پیچھے نماز پڑھنے والوں نے بھی اپنے جوتے اتار دیے۔ آپ صلی اللہ علیہ وسلم نے (نماز کے بعد) پوچھا: ”تمہیں اپنے جوتے اتارنے پر کس چیز نے آمادہ کیا؟“ انہوں نے عرض کیا: ”ہم نے آپ صلی اللہ علیہ وسلم کو (جوتے) اتارتے دیکھا تو ہم نے بھی اتار دیے۔“ تو آپ صلی اللہ علیہ وسلم نے فرمایا: ”جبریل علیہ السلام نے مجھے بتایا تھا کہ میرے دونوں جوتوں میں سے ایک میں گندگی لگی ہوئی ہے، اس لیے میں نے انہیں اتار دیا۔“ پھر فرمایا: ”تم اپنے جوتے نہ اتارو۔“
امام طبرانی رحمہ اللہ فرماتے ہیں: ”ابو حمزہ سے اس حدیث کو زہیر کے سوا کسی نے روایت نہیں کیا۔“ [المعجم الأوسط/باب الميم/حدیث: 5017]