سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے سیدنا ابوبکر رضی اللہ عنہ سے پوچھا: ”تم وتر کیسے پڑھتے ہو؟“ انہوں نے عرض کیا: ”میں رات کے ابتدائی حصے میں وتر پڑھ لیتا ہوں۔“ آپ صلی اللہ علیہ وسلم نے فرمایا: ”تم سمجھدار اور محتاط ہو۔“ پھر آپ صلی اللہ علیہ وسلم نے سیدنا عمر رضی اللہ عنہ سے پوچھا: ”اے ابو حفص! تم وتر کیسے پڑھتے ہو؟“ انہوں نے عرض کیا: ”میں رات کے آخری حصے میں وتر پڑھتا ہوں۔“ آپ صلی اللہ علیہ وسلم نے فرمایا: ”تم قوی ہو اور (اللہ کی طرف سے) تمہاری مدد کی گئی ہے۔“ [المعجم الأوسط/باب الميم/حدیث: 5063]