سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”تین خصلتیں جس شخص میں ہوں گی، اللہ تعالیٰ اس سے آسان حساب لے گا اور اپنی رحمت سے اسے جنت میں داخل فرمائے گا۔“ صحابہ نے عرض کیا: ”اے اللہ کے نبی! میرے ماں باپ آپ پر قربان ہوں، وہ کون سی خصلتیں ہیں؟“ آپ صلی اللہ علیہ وسلم نے فرمایا: ”جو تجھے محروم کرے تو اسے عطا کرے، جو تجھ سے قطع تعلق کرے تو اس سے تعلق جوڑے، اور جو تجھ پر ظلم کرے تو اسے معاف کر دے۔“ اس نے عرض کیا: ”اے اللہ کے نبی! جب میں یہ کام کر لوں تو مجھے کیا ملے گا؟“ آپ صلی اللہ علیہ وسلم نے فرمایا: ”اللہ تعالیٰ تجھے جنت میں داخل فرمائے گا۔“ [المعجم الأوسط/باب الميم/حدیث: 5064]