سیدنا انس بن مالک رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”کسی اعلانیہ لوٹ مار کرنے والے، اچک کر لے جانے والے اور خیانت کرنے والے پر ہاتھ کاٹنے کی سزا نہیں ہے۔“
اس حدیث کو امام زہری رحمہ اللہ سے صرف یونس رحمہ اللہ نے، اور یونس رحمہ اللہ سے صرف ابن وہب رحمہ اللہ نے روایت کیا ہے، جبکہ ان سے اس کی روایت کرنے میں ابو معمر رحمہ اللہ منفرد ہیں۔ [المعجم الأوسط/باب الألف/حدیث: 509]