سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”تین باتیں ہیں، جس شخص میں (ان میں سے) نہ پائی جائیں تو ان کے سوا اس کے باقی گناہ بخش دیے جائیں گے، ان شاء اللہ: جو اس حال میں مرا کہ اللہ کے ساتھ شرک نہ کرتا ہو، اور جو ایسا جادوگر نہ ہو جو جادوگروں کی پیروی کرتا ہو، اور جو اپنے بھائی سے کینہ نہ رکھتا ہو۔“
امام طبرانی رحمہ اللہ فرماتے ہیں: ”یزید بن اصم سے اس حدیث کو ابو فزارہ کے سوا کسی نے روایت نہیں کیا، اور ابو فزارہ سے لیث کے سوا کسی نے روایت نہیں کیا، اس میں ابو شہاب منفرد ہیں۔“ [المعجم الأوسط/باب الميم/حدیث: 5230]