سیدنا بریدہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”حج میں خرچ کرنا اللہ کی راہ میں خرچ کرنے کی طرح ہے، (اس میں) ایک درہم سات سو (درہم) کے برابر ہے۔“
امام طبرانی رحمہ اللہ فرماتے ہیں: ”اس حدیث کو عطاء بن سائب سے، انہوں نے علقمہ بن مرثد سے، موسیٰ بن اعین کے سوا کسی نے روایت نہیں کیا۔ اور ان کے علاوہ دوسروں نے اسے عطاء بن سائب سے، انہوں نے حرب بن زہیر سے، انہوں نے ابن بریدہ سے، انہوں نے اپنے والد سے روایت کیا ہے۔“ [المعجم الأوسط/باب الميم/حدیث: 5274]