سیدنا انس بن مالک رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”بے شک اللہ عزوجل کو اس بات سے حیا آتی ہے کہ بوڑھے مسلمان نے، جب وہ راہِ راست پر اور سنت کا پابند ہو، اللہ سے کوئی سوال کیا ہو اور وہ اسے عطا نہ فرمائے۔“
امام طبرانی رحمہ اللہ فرماتے ہیں: ”اس حدیث کو صالح بن راشد سے موسیٰ بن اعین کے سوا کسی نے روایت نہیں کیا، اور میرے نزدیک ابو عبید سے مراد سلیمان بن عبد الملک بن مروان کے ساتھی ابو عبید ہیں۔“ [المعجم الأوسط/باب الميم/حدیث: 5286]