سیدنا عبداللہ بن عباس رضی اللہ عنہما سے روایت ہے کہ احد کے دن جب ابوسفیان اور اس کے ساتھی نبی صلی اللہ علیہ وسلم کے مقابل آ اترے تو آپ صلی اللہ علیہ وسلم نے اپنے صحابہ رضی اللہ عنہم سے فرمایا: ”میں نے خواب میں دیکھا ہے کہ میری تلوار ذوالفقار ٹوٹ گئی ہے، اور یہ ایک مصیبت ہے؛ اور میں نے گایوں کو ذبح ہوتے دیکھا ہے، اور یہ بھی ایک مصیبت ہے؛ اور میں نے دیکھا کہ میں نے زرہ پہن رکھی ہے، اور اس سے مراد تمہارا شہر ہے کہ وہ لوگ اس تک نہیں پہنچ سکیں گے، ان شاء اللہ۔“ [المعجم الأوسط/باب الميم/حدیث: 5437]