سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”میں اپنے بھائیوں سے کب ملوں گا؟“ صحابہ کرام رضی اللہ عنہم نے عرض کیا: ”اے اللہ کے رسول! کیا ہم آپ کے بھائی نہیں ہیں؟“ آپ صلی اللہ علیہ وسلم نے فرمایا: ”تم میرے صحابی ہو، اور میرے بھائی وہ لوگ ہیں جو مجھ پر ایمان لائیں گے حالانکہ انہوں نے مجھے دیکھا نہیں ہوگا۔“
امام طبرانی رحمہ اللہ فرماتے ہیں: ”اس حدیث کو ثابت بنانی سے محتسب بن عبدالرحمن کے سوا کسی نے روایت نہیں کیا، اس میں ابو عبیدہ حداد منفرد ہیں۔“ [المعجم الأوسط/باب الميم/حدیث: 5494]