سیدنا ابن عباس رضی اللہ عنہما سے روایت ہے کہ انہوں نے فرمایا: ”میں ایک گدھی پر سوار ہو کر آیا، اس وقت میں بلوغت کے قریب پہنچ چکا تھا اور رسول اللہ صلی اللہ علیہ وسلم لوگوں کو نماز پڑھا رہے تھے، یہاں تک کہ میں (نمازیوں کی) بعض صفوں کے سامنے سے گزر گیا، پھر میں نے اسے (چرنے کے لیے) چھوڑ دیا اور واپس آ کر نماز میں شامل ہو گیا، تو رسول اللہ صلی اللہ علیہ وسلم نے اس پر مجھ سے کچھ نہیں فرمایا۔“ [المعجم الأوسط/باب الألف/حدیث: 551]