سیدنا عبداللہ بن عباس رضی اللہ عنہما سے روایت ہے کہ ایک آدمی نبی کریم صلی اللہ علیہ وسلم کے پاس آیا اور عرض کیا: ”مجھ پر ایک گردن (غلام) آزاد کرنا لازم ہے، اور میرے پاس ایک سیاہ فام عجمی لونڈی ہے۔“ نبی کریم صلی اللہ علیہ وسلم نے فرمایا: ”اسے میرے پاس لے آؤ۔“ (وہ اسے لے آیا) تو آپ صلی اللہ علیہ وسلم نے اس سے پوچھا: ”کیا تو گواہی دیتی ہے کہ اللہ کے سوا کوئی معبود نہیں؟“ اس نے کہا: ”جی ہاں۔“ آپ صلی اللہ علیہ وسلم نے پوچھا: ”اور کیا تو گواہی دیتی ہے کہ میں اللہ کا رسول ہوں؟“ اس نے کہا: ”جی ہاں۔“ تو آپ صلی اللہ علیہ وسلم نے فرمایا: ”اسے آزاد کر دو۔“
امام طبرانی رحمہ اللہ فرماتے ہیں: ”اس حدیث کو منہال اور حکم سے ابن ابی لیلیٰ کے سوا کسی نے روایت نہیں کیا۔“ [المعجم الأوسط/باب الميم/حدیث: 5523]