مجاہد رحمہ اللہ بیان کرتے ہیں کہ ایک شخص سیدنا ابن عمر رضی اللہ عنہما کی خدمت میں حاضر ہوا اور دریافت کیا: ”آپ سیدنا علی رضی اللہ عنہ کے متعلق کیا فرماتے ہیں؟“ انہوں نے فرمایا: ”وہ دیکھو، یہ رہا ان کا گھر۔“ اس نے پوچھا: ”تو پھر آپ سیدنا عثمان رضی اللہ عنہ کے متعلق کیا فرماتے ہیں؟“ انہوں نے جواب دیا: ”میں اس شخص کے بارے میں کیا کہوں جس نے ایک خطا اپنے اور اللہ کے درمیان کی تو اللہ نے اسے معاف کر دیا، اور ایک خطا تمہارے اور اپنے درمیان کی تو تم لوگوں نے اسے قتل کر ڈالا۔“
اس حدیث کو مجاہد رحمہ اللہ سے صرف مجالد رحمہ اللہ نے، اور مجالد رحمہ اللہ سے صرف ابوبکر بن عیاش رحمہ اللہ نے روایت کیا ہے، جبکہ یزید بن مہران رحمہ اللہ اس کی روایت میں منفرد ہیں۔ [المعجم الأوسط/باب الألف/حدیث: 555]