سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جو شخص صحرا میں رہنے لگا وہ سخت مزاج ہو گیا، جو شکار کے پیچھے پڑا وہ غافل ہو گیا اور جو حکمران کے پاس آیا وہ فتنے میں پڑ گیا۔“
امام طبرانی رحمہ اللہ فرماتے ہیں: ”اس حدیث کو سفیان رحمہ اللہ سے، انہوں نے ایوب بن موسیٰ رحمہ اللہ سے، صرف عبداللہ بن سلمہ رحمہ اللہ نے روایت کیا ہے جس کی روایت میں قواریری رحمہ اللہ منفرد ہیں، جبکہ ابو نعیم رحمہ اللہ اور دیگر لوگوں نے اسے سفیان رحمہ اللہ سے، انہوں نے ابوموسیٰ یمانی رحمہ اللہ کے واسطے سے روایت کیا ہے۔“ [المعجم الأوسط/باب الألف/حدیث: 556]