سیدنا کعب بن عجرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جو شخص کسی مومن کی تکلیفوں میں سے کوئی تکلیف دور کرے، اللہ تعالیٰ قیامت کے دن اس کی تکلیفیں دور فرمائے گا۔ اور جو شخص کسی مومن کے عیب کی پردہ پوشی کرے، اللہ اس کے عیب پر پردہ ڈال دے گا۔ اور جو شخص کسی مومن کی مشکلات میں آسانی پیدا کرے، اللہ اس کی مشکل میں آسانی پیدا فرما دے گا۔“
امام طبرانی رحمہ اللہ فرماتے ہیں: ”اس حدیث کو محمد بن کعب رحمہ اللہ سے لیث کے سوا کسی نے روایت نہیں کیا، اس میں شعیب انماطی منفرد ہیں۔“ [المعجم الأوسط/باب الميم/حدیث: 5649]