امام زہری رحمہ اللہ بیان کرتے ہیں کہ میں نے سیدنا انس بن مالک رضی اللہ عنہ کو فرماتے سنا: ”میں نے نبی کریم صلی اللہ علیہ وسلم کو مدینہ میں یہ فرماتے سنا:“ «اللَّهُمَّ اجْعَلْ بِهَا ضِعْفَيْ مَا بِمَكَّةَ مِنَ الْبَرَكَةِ» ”اے اللہ! مدینہ میں اس سے دو گنا برکت عطا فرما جتنی مکہ میں ہے۔“
امام طبرانی رحمہ اللہ فرماتے ہیں: ”اس حدیث کو امام زہری رحمہ اللہ سے اسامہ بن زید کے سوا کسی نے روایت نہیں کیا، اس میں عبداللہ بن موسیٰ تیمی منفرد ہیں۔“ [المعجم الأوسط/باب الميم/حدیث: 5707]