سیدنا عبدالرحمن بن سمرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس نے اپنے والدین کی قسم پوری کی، ان کا قرض ادا کیا اور ان کے لیے گالی گلوچ کا سبب نہ بنا (یعنی کسی کے والدین کو برا بھلا کہہ کر اپنے والدین کو گالی نہ دلوائی) تو وہ نیک سلوک کرنے والا لکھا جاتا ہے، خواہ وہ (پہلے) نافرمان رہا ہو۔ اور جس نے ان کی قسم پوری نہ کی، ان کا قرض ادا نہ کیا اور ان کے لیے گالی گلوچ کا سبب بنا تو وہ نافرمان لکھا جاتا ہے، خواہ وہ ان کی زندگی میں نیک سلوک کرنے والا رہا ہو۔“
امام طبرانی رحمہ اللہ فرماتے ہیں: ”یہ حدیث عبدالرحمن بن سمرہ رضی اللہ عنہ سے اسی سند کے ساتھ ہی مروی ہے، اور اس میں حفص بن غیاث منفرد ہیں۔“ [المعجم الأوسط/باب الميم/حدیث: 5819]