سیدنا معاویہ بن ابی سفیان رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جو شخص اس حال میں مر گیا کہ اس پر (مسلمانوں کا) کوئی امام نہ تھا تو وہ جاہلیت کی موت مرا۔“
امام طبرانی رحمہ اللہ فرماتے ہیں: ”اس حدیث کو اعمش رحمہ اللہ سے ابوبکر بن عیاش کے سوا کسی نے روایت نہیں کیا، اور اس میں اسود بن عامر شاذان منفرد ہیں، جبکہ شاذان کے علاوہ دوسرے راویوں نے اسے ابوبکر بن عیاش سے، انہوں نے عاصم بن بہدلہ رحمہما اللہ سے روایت کیا ہے۔“ [المعجم الأوسط/باب الميم/حدیث: 5820]