ابو عبداللہ جدلی رحمہ اللہ بیان کرتے ہیں کہ ام المومنین سیدہ ام سلمہ رضی اللہ عنہا نے مجھ سے فرمایا: ”کیا تم لوگوں میں رسول اللہ صلی اللہ علیہ وسلم کو منبروں پر برا بھلا کہا جاتا ہے؟“ میں نے عرض کیا: ”سبحان اللہ! رسول اللہ صلی اللہ علیہ وسلم کو بھلا کیسے برا کہا جا سکتا ہے؟“ انہوں نے فرمایا: ”کیا سیدنا علی بن ابی طالب رضی اللہ عنہ اور ان سے محبت کرنے والوں کو برا نہیں کہا جاتا؟ میں گواہی دیتی ہوں کہ رسول اللہ صلی اللہ علیہ وسلم ان سے محبت رکھتے تھے۔“
امام طبرانی رحمہ اللہ فرماتے ہیں: ”اس حدیث کو سدی سے عیسیٰ بن عبدالرحمن سلمی کے سوا کسی نے روایت نہیں کیا۔“ [المعجم الأوسط/باب الميم/حدیث: 5832]