سیدنا عبداللہ بن عمر رضی اللہ عنہما سے روایت ہے کہ انہوں نے فرمایا: ”ہم کبیرہ گناہوں کے مرتکب لوگوں کے لیے استغفار کرنے سے رکے رہتے تھے، یہاں تک کہ ہم نے اپنے نبی صلی اللہ علیہ وسلم کو فرماتے ہوئے سنا: ”میں نے اپنی امت کے کبیرہ گناہ کرنے والوں کے لیے اپنی شفاعت قیامت کے دن کے لیے ذخیرہ کر رکھی ہے۔“ تو ہم نے ان کے بارے میں اپنے دلوں میں جو بہت سی باتیں (سخت خیالات) تھیں ان سے باز آ گئے اور ان کے لیے اللہ سے امید رکھنے لگے۔“
امام طبرانی رحمہ اللہ فرماتے ہیں: ”ایوب سختیانی سے اس حدیث کو حرب بن سریج کے سوا کسی نے روایت نہیں کیا، اور شیبان اس کی روایت میں منفرد ہیں۔“ [المعجم الأوسط/باب الميم/حدیث: 5942]