ام المومنین سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا: ”اے مومنوں کی عورتو! آپس میں تحفے دیا کرو، اگرچہ وہ بکری کا کھر ہی کیوں نہ ہو، کیونکہ یہ محبت کو مضبوط کرتا ہے اور دلوں کے کینے دور کرتا ہے۔“
امام طبرانی رحمہ اللہ فرماتے ہیں: ”عمرہ بنت ارطاۃ سے، جو عدویہ اور بصرہ کی رہنے والی ہیں اور عمرہ بنت عبدالرحمن نہیں ہیں، ان دونوں حدیثوں کو طیب بن سلمان مؤدب نے ہی روایت کیا ہے، ان کی کنیت ابو حذیفہ ہے، وہ بصری اور ثقہ ہیں۔“ [المعجم الأوسط/باب الميم/حدیث: 5941]