سیدنا ابو امامہ باہلی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”قیامت کے دن ظالم آئے گا، یہاں تک کہ جب وہ جہنم کے پل پر، تاریکی اور دشوار گزار راستے کے درمیان ہوگا تو مظلوم اس سے ملے گا، اسے پہچان لے گا اور یہ بھی پہچان لے گا کہ اس نے اس پر کیا ظلم کیا تھا۔ پھر مظلوم لوگ ظالموں سے برابر بدلہ لیتے رہیں گے یہاں تک کہ ان کے ہاتھوں میں جو نیکیاں ہوں گی وہ سب چھین لیں گے، اور اگر ان کے پاس نیکیاں نہ ہوں گی تو ان ظالموں پر ان کے ظلم کے برابر مظلوموں کے گناہ ڈال دیے جائیں گے، یہاں تک کہ وہ آگ کے سب سے نچلے طبقے میں پہنچا دیے جائیں گے۔“
امام طبرانی رحمہ اللہ فرماتے ہیں: ”اس حدیث کو ایوب سے حسین معلم کے سوا کسی نے روایت نہیں کیا، اس میں ابن ابی عدی منفرد ہیں۔“ [المعجم الأوسط/باب الميم/حدیث: 5976]