سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”دو طواف ایسے ہیں کہ ان کے کرنے والے کے گناہ خواہ کتنے ہی ہوں بخش دیے جاتے ہیں: ایک وہ طواف جو نمازِ فجر کے بعد کیا جائے اور اس سے فراغت طلوعِ آفتاب کے وقت ہو، اور دوسرا وہ طواف جو عصر کے بعد کیا جائے اور اس سے فراغت غروبِ آفتاب کے وقت ہو۔“ صحابہ کرام رضی اللہ عنہم نے عرض کیا: ”اے اللہ کے رسول! اگر اس سے پہلے یا اس کے بعد (طواف کیا جائے) تو؟“ آپ صلی اللہ علیہ وسلم نے فرمایا: ”وہ بھی اسی کے ساتھ ملحق ہوگا۔“
امام طبرانی رحمہ اللہ فرماتے ہیں: ”اس حدیث کو سعید بن جبیر سے زید عمی کے سوا کسی نے روایت نہیں کیا۔“ [المعجم الأوسط/باب الميم/حدیث: 5992]