سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”اہلِ علیین میں سے کوئی شخص جنتیوں کی طرف جھانکتا ہے تو (اس کے نور کی وجہ سے) یوں لگتا ہے جیسے وہ ایک چمکتا دمکتا ستارہ ہو، اور بلاشبہ ابوبکر اور عمر (رضی اللہ عنہما) انہی میں سے ہیں، اور وہ دونوں اس سے بھی بڑھ کر نعمتوں اور مرتبے کے حق دار ہیں۔“
امام طبرانی رحمہ اللہ فرماتے ہیں: ”اس حدیث کو شعبی سے یونس بن ابی اسحاق کے سوا کسی نے روایت نہیں کیا، اس میں ابو قتیبہ سلم بن قتیبہ منفرد ہیں۔“ [المعجم الأوسط/باب الميم/حدیث: 6006]