حبیب ابومحمد رحمہ اللہ بیان کرتے ہیں کہ میں نے فرزدق بن غالب رحمہ اللہ کو یہ کہتے ہوئے سنا: ”میری مقامِ شام میں سیدنا ابوہریرہ رضی اللہ عنہ سے ملاقات ہوئی، تو انہوں نے مجھ سے دریافت فرمایا: ”کیا تم فرزدق ہو؟“ میں نے عرض کیا: ”جی ہاں۔“ انہوں نے پھر پوچھا: ”کیا تم وہی شاعر ہو؟“ میں نے عرض کیا: ”جی ہاں۔“ اس پر انہوں نے فرمایا: ”آگاہ رہو! اگر تم طویل زندگی پاؤ تو تمہارا سامنا ایسے لوگوں سے ہوگا جو کہیں گے کہ تمہارے لیے توبہ کی (کوئی گنجائش) نہیں ہے، پس خبردار! اللہ تعالیٰ سے اپنی امید کبھی منقطع نہ کرنا۔““
اس حدیث کو فرزدق سے صرف حبیب رحمہ اللہ نے روایت کیا ہے اور اسے بیان کرنے میں صالح المری رحمہ اللہ منفرد ہیں۔ [المعجم الأوسط/باب الألف/حدیث: 606]