سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”آج (دنیا میں) عمل کی تیاری ہے اور کل (آخرت میں) مقابلہ ہے، اور آخری منزل جنت یا دوزخ ہے۔ ہلاک ہونے والا وہ ہے جو آگ میں جا گرا۔ میں سب سے اول ہوں، سیدنا ابوبکر صدیق رضی اللہ عنہ دوسرے نمبر پر آنے والے ہیں اور سیدنا عمر بن خطاب رضی اللہ عنہ تیسرے ہیں، پھر میرے بعد لوگ اپنی سبقت کے مطابق ہوں گے، جو جتنا پہلے ہوگا (اسی درجے پر ہوگا)۔“
اس حدیث کو قرہ رحمہ اللہ سے صرف عبد الرحمن رحمہ اللہ نے روایت کیا ہے، اور ولید رحمہ اللہ اس کی روایت میں منفرد ہیں۔ [المعجم الأوسط/باب الألف/حدیث: 605]