سیدنا بریدہ رضی اللہ عنہ سے روایت ہے کہ نبی کریم صلی اللہ علیہ وسلم نے ایک ایسے شخص کو دیکھا جو کسی مصیبت میں مبتلا تھا، تو آپ صلی اللہ علیہ وسلم نے فرمایا: ”شاید تم نے اللہ سے دعا کی تھی کہ وہ تمہیں آزمائش جلدی دے دے؟“ اس نے عرض کیا: ”جی ہاں۔“ آپ صلی اللہ علیہ وسلم نے فرمایا: ”تم نے اللہ سے عافیت کیوں نہ مانگی، اور یوں کیوں نہ کہا: «اللَّهُمَّ آتِنَا فِي الدُّنْيَا حَسَنَةً، وَفِي الْآخِرَةِ حَسَنَةً، وَقِنَا عَذَابَ النَّارِ» “ ”اے اللہ! ہمیں دنیا میں بھلائی عطا فرما اور آخرت میں بھی بھلائی عطا فرما، اور ہمیں آگ کے عذاب سے بچا لے۔“
امام طبرانی رحمہ اللہ فرماتے ہیں: ”اس حدیث کو حارث بن حصیرہ سے صرف اسرائیل نے روایت کیا ہے، اور سیدنا بریدہ رضی اللہ عنہ سے یہ حدیث صرف اسی سند سے مروی ہے۔“ [المعجم الأوسط/باب الميم/حدیث: 6118]