سیدنا انس بن مالک رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”جب قیامت کا دن ہوگا تو اعمال مہر بند صحیفوں میں پیش کیے جائیں گے، پھر اللہ تبارک و تعالیٰ فرمائے گا: ’اس کو قبول کر لو اور اس کو چھوڑ دو۔‘ تو فرشتے عرض کریں گے: ’تیری عزت کی قسم! ہم نے تو وہی لکھا ہے جو اس نے کیا تھا۔‘ اللہ تعالیٰ فرمائے گا: ’تم نے سچ کہا، لیکن اس کا یہ عمل میری رضا کے لیے نہیں تھا، اور آج میں صرف وہی عمل قبول کروں گا جو میری رضا کے لیے ہو۔‘“
امام طبرانی رحمہ اللہ فرماتے ہیں: ”اس حدیث کو ابو عمران جونی رحمہ اللہ سے حارث بن غسان کے سوا کسی نے روایت نہیں کیا۔“ [المعجم الأوسط/باب الميم/حدیث: 6133]