سیدنا عبداللہ بن عباس رضی اللہ عنہما سے روایت ہے کہ نبی کریم صلی اللہ علیہ وسلم نے فرمایا: ”ایک آدمی جنت میں داخل ہوگا، کسی گھر اور کسی بالا خانے کے رہنے والے باقی نہ رہیں گے مگر وہ کہیں گے: خوش آمدید، خوش آمدید، ہماری طرف خوش آمدید۔“ تو سیدنا ابوبکر رضی اللہ عنہ نے عرض کیا: ”اے اللہ کے رسول! آپ اس دن اس آدمی کے بارے میں کیا خیال فرماتے ہیں؟“ رسول اللہ صلی اللہ علیہ وسلم نے فرمایا: ”ہاں، اور اے ابوبکر! وہ آدمی تم ہی ہو۔“
امام طبرانی رحمہ اللہ فرماتے ہیں: ”اس حدیث کو قیس بن سعد سے رباح بن ابی معروف کے سوا کسی نے روایت نہیں کیا، اور رباح سے ابن ابی فدیک کے سوا کسی نے روایت نہیں کیا، احمد بن محمد بن ابی بکر سالمی اس کی روایت میں منفرد ہیں۔“ [المعجم الأوسط/باب الميم/حدیث: 6168]